Мала надеж за договор со Софија. Премиерот Заев во четврток ќе сретне со бугарскиот претседател Радев, но не е голем оптимист дека проблемот ќе се реши на 22 јуни. Ова ќе биде втора средба на двајцата државници за една недела, откако вчера разговарааа на маргините на самитото на НАТО во Брисел.
За македонскиот јазик и идентитет не се преговара. На маса е португалскиот предлог кој според Заев е добра основа за преговори.
Зборуваме за динамиката во месеци, години, континуитетот на сите детали од секторската соработка во делот на рамката или патната карта, интензитетот на свикување и гледањето на историската комисија од двете страни, како и за креативниот дел на португалското претседателство која го даде предлогот за да може Бугарија да ни даде пас односно позитивен одговор на закажувањето на првата меѓувладина конференција преку усвојувањето на преговарачката рамка, вели Заев.
Посетата на Заев на Софија ќе се случи една недела пред состанокот на Советот на ЕУ кој ќе се одржи на 24 и 25 јуни кога би требало да се очекува одлука дали и кога ќе се одржи меѓувладина конференција Македонија-ЕУ.
Јулијана Пешевска
