Попладнево во Собраниските фотељи трба да седнат четворица нови пратеници: Мирче Аџиоски од ВМРО ДПМНЕ, Рина Ајдари од ДУИ, како и Мирослав Јовановиќ и Лидија Тасевска од Коалицијата „Можеме“. Тие веќе ја известиле ДИК дека ги прифаќаат пратеничките мандати, а поладнево тоа треба да го верификува и Собранието.
Новите пратеници доаѓаат на местото на Игор Дурловски, Бајрам Реџепи, Мухамед Зеќири и Сања Лукаревска, кои си поднесоа оставки. Ниту еден од нив не даде образложение за оставката, но се очекува пратениците од владеачките партии да бидат именувани на директорски фунции, а опозицискиот пратеник Дурловски пред неколку дена самиот објави дека како пратеник не може да го направи тоа што го зборувал претходно.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.