Министерката за финансии Гордана Димитриеска – Кочоска во вчерашната ТОП ТЕМА, соопшти дека одредени министри направиле реализација на нивните расходи во првата половина од годинава па поради тоа и реализацијата на дефицитот во првата половина од годинава е поголема. Вели дека сега во разговорите со минитрите кои доаѓаат во Министерството за финансии на консултации за ребалансот на буџетот кои идната недела се очекува да го помине владиниот филтер, ги прашала и за тоа зошто најголем процент на дефицитит е истрошен овој период и до крајот на годинава не останува речиси ништо.
Дури и сега еве кога доаѓаа на состаноците и кога разговаравме во дадени ситуации нормално нели на прашањето зошто е толкава реализацијата, одговорот е па да не ни скратите со ребалансот. И тие кои што имале во планот за годинава одредена реализација нема што да имаат да реазлизираат, дел од нив немаат ни некои нови проекти.
Дефицитот за годинава беше проектиран на над 600 милиони евра. Најавите се дека можно е да има зголемување на минусот во државната каса во однос на проекцијата. Според, финансиската стратегија се очекува тој да биде 3, 5 отсто од Бруто домашниот производ, но колку точно може да биде нагорната корекција од оваа бројка Кочоска конкретно не одговори. Пред извесно време кажа дека нема да го надмине ланскиот дефицит кој пак беше 4 отсто од БДП.