Тензично, со висок тон и со меѓусебни обвинувања и партиски етикетирања,без договор и решение. Вака утрово мина средбата меѓу градоначалникот Петре Шилегов и дел од скопските пожарникари во нивната база во населбата Атокоманда.
Тие веќе втор ден протестираат, бараат повисоки плати и исплаќање на сите заостанати надоместоци, а градоначалникот понуди медијатори за што е можно побрзо и финансиски побезболно да ги добијат парите за кои веќе има судска пресуда и нов закон кој ќе ги исполни нивните барања но дури од јуни наредната година.
Предлогот на градоначалникот не го прифатија, велат своето чесно го одработиле и ги заслужуваат средставата кои ги бараат.
Клучното недоразбирање е околу дотацијата која ја добива Град Скопје за надоместоци за пожарникари и е за 237 луѓе а во моментот во скопската противпожарана бригада се вработени 193 лица а виошок на средства кој останува не може да се подели и да се префли на нивните трансакциски сметки бидејќи станува збор за јавни средства за кои има законски ограничувања.
Како што најавија, незадоволните пожарникари пешки се упатија кон Град Скопје и канцелариите на Шилегов. Поднесоа барање во архивата и чекаат писмен одговор од градскиот татко од кој ќе зависи каде ќе продолжат да протестираат
Според членовите на иницијативниот одбор, основната плата во скопската противпожарна бригада е меѓу 18 и 19 илјади и во зависност од стажот и типот на прекувремена работа достига до 25 илјади што за нив е неприфатливо и мора веднаш да се смени.
Огнен Чанчаревиќ