Врховен ја потврди одлуката на Апелацискиот суд со која бизнисменот Сеад Кочан беше осуден на 4 години и 8 месеци затвор.
Според соопштението на Врховен барањето за вонредно преиспитување на пресудата е неосновано со што се потврдува одлуката за казна затвор изречена од Апелациниот суд.
Кочан мината година на 31 август беше спроведен на издржување на затворската казна во затворот Идризово.
Тој е прогласен за виновен за учество на тендер со лажна документација пред државната компанија ЕЛЕМ (сега ЕСМ) во вредност од 17 милиони евра за ископување јаловина и јаглен од рудникот Суводол во Битола.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.