Најмалку четири лица загинаа, а 16 се повредени во експлозија на бомба покрај пат, чија цел била првиот потпретседател на Авганистан Амрулах Салех, кој успеал да избега неповреден, соопшти неговиот портпарол.
Портпаролот на кабинетот на Салах, Разван Мурад изјави дека цел на денешниот напад бил конвојот на првиот авганистански потпретседател и истакна дека неколкумина негови телохранители биле повредени.
Досега никој не презел одговорност за нападот, кој се случи пред почетокот на долгоочекуваните мировни преговори меѓу авганистанската Влада и талибанците во Доха.
Салех, кој е поранешен шеф на разузнавањето, преживеа неколку обиди за атентат, вклучително и минатата година кога 20 лица беа убиени во напад врз неговиот кабинет.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.