Во Брисел вчера започна скрининг процесот за усогласување на законодавството со ЕУ со Северна Македонија и Албанија. Од 15-27 септември 2022 година ќе се одвиваат состаноци за областите и поглавјата од Кластерот Фундаментални вредности, кога Комисијата ќе го презентира новото законодавство за овие области. Сите состаноци се одржуваат во Брисел, освен за Поглавјето 18 Статистика што денеска ќе се одржи во Луксембург.
Со отпочнувањето на објаснувачкиот скрининг за усогласеноста на македонското законодавство со европското се означи првата фаза од преговорите за членство на земјава во Европската унија.
На денешниот состанок пред европските и македонските преговарачи е регулативата која ја покрива областа Статистика.
Вчера први на дневен ред за проверка беа националните регулативи кои ги уредуваат јавните набавки. И поглавјето и јавни набавки и статистика се дел од првиот Кластер кој се отвора во преговорите за пристапување познат уште и како Темелни вредности.
Во наредниот период Европската комисија треба да направи проверка колку од европските регулативи донесени од 2018 година, кога Македонија направи подготвителен објаснувачки скрининг, до денес се преточени во македонското законодавство.