Околу пладне е забележан густ чад на врвот на високата ротациона печка на УСЈЕ. Повеќе граѓани го пријавиле пожарот.
На лице место интервенирале три возила на скопската противпожарна бригада.
-Станува збор за пожар на електрична мрежа и на кабли за довод на струја во ротационата печка на УСЈЕ за производство на цемент. Пожарот е локализиран, но се продолжува со негово набљудување поради високата температура на каблите. Чадот кој го виделе граѓаните на врвот на пешката се пробил низ тунелот за вентилација. Нема повредени и не биле зафатени материјалите за производство, печката или оџаците, изјави за Телма Здравко Томески, командант на скопската противпожарна бригада.
Ќе се врши увид и ќе се истражува како избувнал пожарот кој се гледаше од Кисела Вода и од Аеродром.
View this post on Instagram