Во немирите и обидот да се пробие и освои седиштето на Демократската партија на Албанија во Тирана, поддржувачите на Сали Бериша користеа и метални полуги.
Со овие тешки полуги удираа во блиндираните врати на партиското седиште, а обидот може да се спореди со средновековните опсади на дворци кога со таканаречени „овни“ се пробивале влезните порти. Демонстрантите исто така користеа и скали за качување на катовите на партиското седиште.
На снимката која ја објави стругалајм се гледа како на крај овој обид завршува со пробивање на вратата.
Протестите ги организираше партиското крило на поранешниот албански премиер Сали Бериша кој е исфрлен од Демократската партија откако јавно почна да ги критикува западните сојузници на Албанија пред се САД. Лидер на ДП во моментот е Љуљзим Бериша кој
Бериша денеска се обиде да ја преземе партијата со освојување на зградата, но потоа интервенираше специјалната полиција која употреби и солзавец и ги растера демонстрантите иако Бериша со неколку соработници успеа да влезе во зградата. Полицијата продолжи да ја следи состојбата.