Оризот во кочанско се уште не е ожнеан на нивите.
Кочанските оризопроизводители живеат во страв дека родот ќе им остане , бидејќи комбајните не можат да влезат во нивите полни со вода и кал.
Најавите за нови врнежи од дожд дополнително им носат главоболки, а стравуваат и дека тоа ќе се одрази и на квалитетот.
Оризопроизводителите Тоше Даниколов и Петре Димитров за да преживеат секој петок се на штипскиот пазар, за да си го продадат родот од лани.
Сметаат дека е издржано барањето на Иницијативниот одбор и на Синдикатот на земјоделци да се прогласи елементарна непогода во регионите, каде се произведува оризова арпа.
Ниската откупна цена, но и трошоците за сеидба и жетва се причина и за намалување на површините.
Жетвата и лани се пролонгираше еден месец, па комбајните во нивите беа и во ноември.
Според оризопроизводителите една од причините поради што доцни жетвата на оризот е и задоцнетата сеидба.
Викторија Јованова