На проблеми со идентификација на гласачите, како и со техничките конекции на биометриските уреди кои за прв пат се користат на денешниве локални избори , се жалат и граѓаните и претседателите на избирачките одбори на избирачките места во училиштето „ Владо Тасевски“ , во Козле.
Сепак имаше и граѓани кои поминале без проблеми за идентификација при гласањето
Гласачките места во училиштето „ Владо Тасевски “ беа отворени на време, велат од избирачките одбори, а поголема масовност за гласање се очекува во текот на денот. Граѓаните очекуваат од новите градоначалници и советници да ја подобраt сообраќајната инфраструктура и животната средина.
На 7-ве по ред локални избори се гласа на 3480 избирачки места низ земјава, а граѓаните треба да изберат меѓу 299 кандидати за градоначалници и над 10 илјади советници.
Сотир Трајков