Пратеникот и меѓународен секретар на ВМРО-ДПМНЕ Тимчо Муцунски влегува во трката за градоначалник на Аеродром. Тој ќе му се спротистави на Александар Филиповски од СДСМ. И двете партии во оваа општина на настапуваат со нови лица. ВМРО-ДПМНЕ утврди уште 7 канидати за градоначалници.Во Карпош поддршката од граѓаните ќе ја бара поранешниот директор на детската болница Козле,а во Битола уште еден доктор , Тони Коњановски.За Струмица е предложен Жан Дрвошанов, за Кичево Александар Јовановски, Крива Паланка-Александар Рангелов, Старо Нагоричане –Велибор Денковски и Долнени- Ладо Глигороски.
ЛДП и ДОМ соопштија дека ќе настапат со свои кандидати за градоначалници во општина Центар Антони Новотни, во Карпош Христа Најданов и Катерина Ѓорѓиевска во општина Зелениково. Со свој кандидат ќе одат и во град Скопје, музичарот Бени Шаќири а во Кисела Вода со Ѓулистана Марковска.
Утре на полноќ истекува рокот во кој партиите треба да ги достават листите со кандидати за градоначалници и за советници по што ДИК треба да го утврди точниот број на учесниците на локалните избори.
Вчера заврши јавниот увид во Избирачкиот список. ДИК информираше дека 14 921 лице се провериле во списокот, поднесени се 281 барање за запишување, 99 за бришење на податоците и 74 барања за измена на податоците во избирачкиот список.
Јулијана Пешевска