Над два тона, во мал камион со странски регистарски ознаки, инспекторите на Независната управа за јавни приходи на Грција откриле небезбедни млечни производи со потекло од Бугарија.
Производите, како што пишуваат грчките медиуми, се пренесувале нелегално и во несоодветни услови, без потребната разладна комора, како што предвидува законската регулатива.
Од ААДЕ соопштија дека во рамките на насочените контроли за сузбивање на нелегалниот транспорт и трговија со производи и небезбедна храна, камионот во кој се транспортирале производите бил преоптоварен за 1 500 килограми.
Сите производи биле запленети и целосно уништени, а биле изречени и предвидените казни и за опасната храна и за прекумерниот товар.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.