Стотици илјади луѓе излегоа денеска на улиците на Техеран, облечени во црно, да се простат за последен пат од врховниот лидер, Али Хаменеи, кој беше убиен во американски напад на 28-ми февруари, на почетокот на нападите на САД и Израел против Иран.
Поворката, долга речиси 20 километри, која се движеше низ центарот на Техеран, беше преполна со ожалостени граѓани што сакаа одблизу да го видат ковчегот на убиениот ајатолах.
Властите најавија дека очекуваат неколку милиони луѓе да бидат дел од погребната поворка, а ковчегот со посмртните останки на Хаменеи ќе биде пренесен и во другите градови во Иран, но и Ирак, соседната држава каде мнозинско население се исто така шиитски муслимани.
Погребните церемонии за Хаменеи, иранските власти ги користат уште еднаш јасно да покажат дека честите изјави на американскиот претседател, Доналд Трамп, дека со атентатите на ајатолахот и други истакнати лидери во исламската револуционерна гарда, САД де факто извршиле промена на режимот во Техеран.
Толпата на улиците на главниот град на Иран, денеска скандираше „смрт за Америка“ и „смрт за Израел“ а се испраќаат и пораки за одмазда.
„Нашата главна цел со присуството на оваа церемонија е да бараме одмазда за нашиот маченички имам. Не сме тука за да се простиме од него – нашиот имам и сега е меѓу нас. Мачениците се живи“ – изјави 43 годишниот Есад Гасванд, учесник на погребната церемонија.
„Тука сме за да покажеме дека неговиот пат ќе продолжи и дека секој од овие луѓе ќе продолжи по неговиот пат, со стиснати тупаници. Наскоро, сигурно ќе ја одмаздиме неговата смрт против САД и Израел“ – рече 25 годишната Сахар Зараатгар, учесничка на погребната церемонија.