Гостиварец дивеел пред домот на родителите на неговата сопруга, а потоа и и физички ја нападнал. Тој најпрво со возило ја скршил влезната порта, по што удрил во паркирано возило, и потоа ја нападнал сопругата.
Насилството се случило на 30 јуни и против него се поднесени кривични пријави за телесна повреда и за загрозување на сигурноста.
„Надворешната канцеларија за криминалистички работи Гостивар поднесе кривична пријава против Ќ. Х. (49) поради постоење основи на сомнение за сторени две кривични дела „телесна повреда“ и „загрозување на сигурноста“. Пријавениот на 30.06.2026 во домот на родителите на неговата сопруга во Гостивар ја оштетил влезната порта со возило, удрил во паркирано возило и оштетил прозорец од куќата, а потоа физички ја нападнал неговата сопруга“, соопшти МВР.