Предлог-законот за игрите на среќа помина во прво читање во Собранието. 59 пратеници дадоа поддршка за за да се воведат построги правила за работењето на казината, обложувалниците и другите приредувачи на игри на среќа.
Една од клучните измени е воведувањето забрана казина и објекти за игри на среќа да се наоѓаат на растојание помало од 500 метри од училиштата. Се предвидува и забрана за рекламирање на излозите на коцкарниците, како и забрана за реклами со кои коцкањето се претставува како начин за личен успех или брза заработка.
Уште еден собраниски филтер помина и новиот Закон против пушењето, кој предвидува поригорозни забрани и заштита од штетните последици и изложеноста на чад од цигарите.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.