Владата смета дека Клиничката болница во Скопје треба да се гради на платото пред базенот „Борис Трајковски“, но земјиштето е приватно

Владата останува на ставот дека новиот клиничкиот центар во Скопје треба да се гради во близина на базенот кај Спортскиот центар „Борис Трајковски“ и подземно да се поврзе со Градската болница „8 Септември“ – рече на денешниот брифинг премиерот Христијан Мицкоски, додавајќи дека според Владата, ова е најдоброто решение.

• „Дефинитивно остануваме на ставот дека Клиничката болница во Скопје треба да се гради на платото пред базенот „Борис Трајковски“. Тоа е земјиште кое е во приватна сопственост. Преговараме со приватниот сопственик и сакаме тука да го направиме сето тоа да може со подземен тунел да се поврзе со актуелната болница ‘8 Септември’. Тука ни се ПЕТ-центарот и Поликлиниката ‘Букурешт’ и тоа ќе биде еден целосен заокружен комплекс“, рече премиерот. 

Земјиштето на кое би требало да се гради новиот клинички центар, како што рече Мицкоски, е приватно, а Владата во моментов е во преговори со сопственикот на парцелата. Се преговара да се направи трампа земја за земја. Премиерот вели дека засега е задоволен како течат преговорите по однос на ова прашање.

Ќе почека изградбата на нов Клинички центар – надлежните размислуваат градската болница „8 Септември“да стане регионален болнички центар