Поскап транспорт, храна, пијалаци. Статистика измери 4, 8 отсто инфлација во мај годинава во однос на мај лани. Цените на мало пак пораснале за 5, 6 отсто. Од документот на статистичарите може да се види дека за една година речиси се поскапело. Најмногу транспортот, за 11 отсто.
Од храната пак ударот е најголем кај месото. Од лани до сега тука цените пораснале за скоро 9 проценти, потоа следи маслото, млекото, јајцата, безалкохолните пијалаци.
Како и секој месец и овој пат граѓаните се пожалија од скапотијата.
Економистите сметаат тоа што има сериозно поскапување кај транспортот е доказ дека глобалните случувања се целосно прелеани на домашен терен. Велат на воениот конфликт не можеме да делуваме, но мора да видиме што може да направиме дома. Без разлика каков е буџетот сметаат дека пари за мерки мора да се најдат.
Три месеци слушаме дека владата ја следи ситуацијата. И ете реагираа со акцизата со не знам што кај цената на нафтените деривати. Очигледно не е доволно за одредена категорија на граѓани. И Владата треба да седне и да прави многу по суштински мерки и таргетирани мерки 20 или колку пати го кажавме, особено кон оние граѓани кои живеат во релативна сиромаштија, изјави за Телма, универзитетскиот професор Ванчо Узунов
Премиерот Мицксоки неколку пати посочи дека освен оние за горивата се разгледуваат и други мерки без да открие за што станува збор. За било какви евентуални одлуки против цените постојано се соопштува дека се чекаат податоците од статистика и анализата од пазарна па да се види како понатаму.
Министерот за економија Дурмиши пак спомена дека во игра е повторно ограничувањето на ДДВ, мерка од која не се воодушевени некои дел од познавачите.
И Владата и НБРМ ја ревидираа стапката за инфлација за годинава. Очекуваат таа да биде поголема од првичните прогнози.
Ирена Чачкова