Вкупно 17 случаи на вирусот Западен Нил се потврдени во Грција, од кои десет се регистрирани во текот на изминатата седмица, согласно податоците од Националната организација за јавно здравје.
Од ЕОДИ соопштија дека 14 случаи покажале симптоми на централниот нервен систем (енцефалитис и/или менингитис и/или акутна блага парализа), а три случаи благи или никакви симптоми поврзани со централниот нервен систем, објави МИА.
Паралелно бил регистриран е и еден „увезен“ случај на инфекција кај пациент изложен на вирусот во друга земја, поконкретно во Србија и не е предмет на понатамошната анализа.
Првите случаи на инфекција за оваа сезона во Грција беа регистрирани пред три седмици, кога во период од 48 часа во областа Атика, поширокиот регион на Атина беа истовремено дијагностицирани четири случаи.
Лани, во Грција биле регистрирани 220 случаи, а од Западен Нил и починале 35 лица.