Властите се обидуваат да ги идентификуваат телата во форензичкиот институт на Доминиканската Република по несреќата во ноќниот клуб Џет Сет во кој до сега загинаа 184 лица.
За сега идентификувани се 54 од жртвите, а повеќе од 250 други се повредени. Во катастрофата што се случи во раните утрински часови во вторникот во популарниот клуб во Санто Доминго.
Официјалните лица повикаа на смиреност, информирајќи дека 28 тела веќе се предадени на нивните семејства.
Меѓу жртвите беше пронајдено и телото на музичката икона Руби Перез, која ги забавуваше гостите пред да се случи катастрофата.
Владата синоќа објави дека ја прекинува потрагата по преживеани откако 145 луѓе беа спасени од урнатините на ноќниот клуб.
Спасувачките екипи од Порторико и Израел пристигнаа за да помогнат.