Четири од пациентите од пожарот во Кочани кои се лекуваат во странство се во критична состојба, а осум очекуваме оваа недела да се вратат во државава, изјави денеска министерот за здравство Арбен Таравари.
Како што соопшти, денеска се очекува да бидат испишани 16 пациенти од домашните болници, каде се лекуваат вкупно 46. На Клинички центар се лекуваат 26 пациенти и по 10 во ГОБ „8 Септември“ и во Свети Наум Охридски, во приватните болници се третираат осум пациенти. На лекување во странство се 115 пациенти.
„Фаза на инфекции сме, можни се компликации. Колегите даваат максимум. Се надевам барем половина од пациентите ќе се вратат за две недели“, изјави Таравари.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.