Четириесет и едно машко лице и 18 женски лица се меѓу 59-те починати во ужасниот пожар во ноќта меѓу саботата и неделата во дискотеката „Пулс“ во Кочани. Шест од нив се малолетни од кои тројца на возраст од 16 години, а 53-ца се полнотелни, покажуваат податоците од Институтот за судска медицина доставени до Основното јавно обвинителство.
Најголем дел од починатите се од Кочани – 31, шест од Облешево, по пет од Скопје и од Штип, тројца од Пробиштип, двајца од Виница и по еден од Зрновци, Соколарци, Чифлик, Тркање, Оризари, Струмица и Македеонска Каменица.
Денеска во Кочани ќе бидат погребани, речиси, сите починати, освен едно лице чиј погреб е одложен за утре од семејни причини.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.