Советот на јавни обвинители денескаќе бира четириесет и седум обвинители во осумнаесет јавни обвинителства. Најмногу, односно 14 јавни обвинители, треба да се изберат во Основното јавно обвинителство Скопје.
Во Основните јавни обвинителства во Велес, Делчево, Кочани, Крива Паланка, Радовиш, Ресен и Струга ќе се избира по еден јавен обвинител. По двајца јавни обвинители ќе се избираат во Основните јавни обвинителства во Битола, Гевгелија, Гостивар, Кичево и Струмица. Во Куманово, Охрид, Прилеп и Штип по тројца, а за Основното јавно обвинителство Тетово треба да бидат избрани четворица обвинители.
Овој процес на избор на обвинители е важен дел од реформите во правосудниот систем, кои имаат за цел да ја подобрат работата на јавните обвинителства и да го зголемат бројот на квалификувани правници кои ќе можат да се справат со големиот број на случаи.
Советот на јавни обвинители ја презема одговорноста за изборот на нови обвинители, а самите обвинители ќе треба да работат во согласност со законите и етичките стандарди на јавната функција.
