За 15 години становите во Македонија поскапеле за над 50 отсто

Цените на становите во Македонија од 2010 година до денес бележат раст од 54%.

Ова го покажуваат податоците сумирани од страна на Народната банка.

Според овие податоци, цените само во третиот квартал минатата година скокнале за 8% во споредба со претходната година.

Просечната цена на квадратен метар во Скопје е 1.680 евра, со најниски цени во скопската населба Петровец, каде просечната цена се движи околу 1.090 евра за метар квадратен.

Најскап метар квадратен има општина Центар каде просекот се движи околу 1.898 евра.

Од другите градови во земјава Охрид бележи слични цени, додека Прилеп и Кичево имаат пониски цени.

За споредба, цените на становите во соседните земји, како Србија и Црна Гора, се значително повисоки.