Претседателите Си Џинпинг и Доналд Трамп денеска на разговори во Пекинг за трговија, но тоа ќе ги вклучува и војната со Иран, технологијата и Тајван.
Трамп пристигна во Пекинг доцна синоќа и се очекува да замине попладне во петок по последната приватна средба со Си. Двајцата лидери во големата народна сала ги започнаа билатерални разговори.
-Многу ми е драго што сте овде во Пекинг. Ова е ваша втора посета по неколку години. Нашата денешна средба може да се опише како фокус на глобално внимание. Светот минува низ забрзани промени невидени во еден век. Меѓународниот пејзаж се менува брзо. Светот стигна до нова раскрсница. Дали Кина и Соединетите Американски Држави можат да ја надминат таканаречената Тукидидова стапица и да постават нов пример во билатералните односи меѓу големите сили, дали можеме да работиме заедно за да се справиме со г лобалните предизвици, внесувајќи стабилност во светот, кажа Си Џипинг.
–Вие и јас се познаваме веќе долго време. Всушност, најдолгата врска на нашите две земји што ја имал кој било претседател и претседател, и тоа е, за мене, чест. Имавме фантастичен однос. Се сложувавме. Кога беа тешкотии, ги решававме. Јас те викав тебе, а ти мене. И секогаш кога имавме проблем, луѓето не знаат, секогаш кога имавме проблем, го решававме многу брзо. И ќе имаме фантастична иднина заедно. Таква почит кон Кина, работата што ја завршивте. Вие сте одличен лидер. Им го кажувам тоа на сите, вие сте одличен лидер. Понекогаш луѓето не сакаат да го кажувам тоа, но сепак го кажувам затоа што е вистина, истакна Трамп.
