Во првите три месеци во Македонија купени се недвижности во износ од 275 милиони евра, а напревени си закупи во износ од 1,1 милиони евра.
Споредено со претходниот квартал купопродажбите се намалени за 12,4 отсто а кај закупите забележано е намалување од 8,6 отсто, се наведува во извештајот на Агенцијата за катастар.
Во првиот квартал од годинава пазарот на недвижности бележи значителен пад.
„Сепак, првиот квартал од годината традиционално се карактеризира со намалена активност на пазарот на недвижности, што е резултат на сезонски фактори, економски услови и одложени инвестициски одлуки,“ пишува во извештајот на Агенцијата за катастар.
Бројот на купопродажни договори и закупи во првотот тромесечје годинава споредено со четвртиот квартал од претходната година е намален за 16, 4 отсто. Тоа укажува на намалена пазарна активност се вели во извештајот на Катастар. Според податоците, бројот на продадени станови во првиот квaртал од годинава е намален за 27 проценти во однос на четвртиот квартал од минатата година, а нивната вкупна финансиска вредност е намалена за 23 отсто.
Во првиот квартал од годинава има намалување за 29 отсто и во делот на новоизградени станови од инвеститор во споредба со претходниот квартал.
Закупот на станови во првиот кваратал годинава исто така бележи пад и тоа од 47 отсто на бројот на станови и пад на вкупната месечна закупнина од 40 отсто.
Кај деловните простори во првиот квартал од годинава споредно со последниот квартал од претходната година има раст на бројот на закупи за 12 отсто.
А во овој период има зголемена побарувачка за изнајмување на гаражи, додека пак бројот на продадени гаражи е намален за 22 отсто.
Сепак, сумата која е дадена за закуп на гаражи во првите три месеци изнесува 3.400 евра.
Во однос на цените, општините Центар, Карпош и Аеродром и натаму предничат. Па така просечна цена на квадратен метар во Центар е 1.700 евра , во Карпош 1.450 евра а во Аеродром 1.400 евра.
Најскап стан во првите три месеци од годинава е продден во општина Кисела Вода, односно платени се 130.000 евра за 45 метри квадратни.