Прв квартал на 2027 година за автопатот Кичево – Охрид, декември 2029 година Тетово – Гостивар – Букојчани. Ова се конечните рокови за финиш на изведбата на работите на Коридорот 8. Дислокација на објекти и инфраструктура и санирање на свлечиштата на потегот Кичево-Охрид се клучните предизвици според премиерот Христијан Мицкоски и вицепремиерот Александар Николоски, кои заедно со директорот на Јавното претпријатие за патишта Коце Трајановски беа во увид на изградбата на Коридорот 8.
Дислокација на инфраструктурата и уривање на објектите на трасата се клучните предизвици во моментов. До крајот на летово ќе биде пуштени нови 11 километри од автопатот Кичево-Охрид во потегот од Извор до Ботун, најави вицепремиерот Николоски. Клучниот проблем, слечиштата ќе се решаваат со поставување на т.н галерии.
На трасата Тетово – Гостивар и Гостивар- Букојчани, продолжува изградбата откако е завршен процесот на експропријација. Коридорот 8 е од стратешко значење за Македонија и проритет на Завадата, кажа премиерот Мицкоски.
Според планот, новата траса Коридорот 8 ќе биде долга околу 150 километри и ќе го скрати времето на патување за еден час. Се разгледува и опцијата за нов систем на патарини, на влез и излез од Коридорот наместо досегашнио. Постоечкиот регионален пат кон Охрид, ќе остане во употреба и по отворање на Коридорот 8 и ќе може да се користи како алтернативен пат.
Огнен Чанчаревиќ