Русија заработила дополнителни шест милијарди долари во првите две недели од конфликтот меѓу САД и Израел со Иран, покажува анализа на Центарот за истражување на енергијата. Според извештајот, зголемените приходи доаѓаат од повисоките цени и продажбата на фосилни горива.
Анализата покажува дека дополнителната заработка од околу 510 милиони евра дневно би ѝ овозможила на Москва да купува до 17.000 дронови „Шахед“ на ден, доколку се пресмета просечната цена од околу 35.000 долари по единица.
Германија предупредува дека евентуално ублажување на санкциите кое го најавија САД, би можело значително да ги зголеми приходите на Русија, додека таа продолжува со војната против Украина. Според нив, ваквиот развој може да има последици и за безбедноста на Европа.