Претседателите на Русија, САД и Украина, Владимир Путин, Доналд Трамп и Володимир Зеленски, треба да се сретнат само за да ги склучат договорите.
– Можеби тука треба да се согласиме дека тројцата претседатели треба да се сретнат само ако е потребно да ги финализираат договорите, или, како што велат Американците, „зделката“. Тоа е веројатно точно – рече Песков во интервју за русата државна телевизија.
Говорејќи за можноста да се организира средба меѓу рускиот претседател и Зеленски, Песков потсети на претходните изјави на украинскиот претседател во кои тој зборуваше за тоа „на што Украина никогаш нема да се согласи и што има намера да прави следно“.
– Нема потреба ниту да се анализираат изјавите, само треба да се сетиме и да се запрашаме дали има смисла да се среќаваат на највисоко ниво ако киевскиот режим и понатаму го одржува овој став – рече Песков.
На новинарско прашање дали понудата до Зеленски да дојде во Москва ако сака да разговара за што било и понатаму важи, Песков одговори потврдно.
– Да, тоа беше зборот на претседателот Путин. Тој секогаш го држи својот збор – рече Песков. Тој наведе дека територијалното прашање останува најсложениот аспект на украинското решение, како и дека на средбата меѓу Путин и Зеленски мора да ѝ претходи „педантна стручна работа“.
– Територијалното прашање е најсложено и, секако, на какви било сериозни средби мора да им претходи педантна работа на стручно ниво – рече Песков
Украинскиот претседател пак Володимир Зеленски изјави дека политичката волја и прашањето за територијата остануваат главни пречки за постигнување мировен договор со Русија.
-Разбираме дека Американците сакаат да ја запрат оваа војна што е можно побрзо. Да, но споредмене, тешкотиите сега – не на воен план, патем, го покренав вчера со нашите партнери, не на воен план. Генералите, трилатерално, од Украина, САД и Русија, разговараа како да го следат прекинот на огнот кога ќе дојде. Проблемот е со политичката волја да се запре оваа војна и прашањето за териториите. Ова е тешко како што имаме, ништо ново. Меѓу нас, ништо ново, ќе се обидат да зборуваат утре и ќе зборуваат, мислам дека во првите денови од март, трилатерално, се надевам дека ќе имаме состанок и секако размена на заробеници, изјави Зеленски.