Два патнички воза се судрија утрово во Чешка, при што најмалку пет лица се потешко повредени, а уште 40 имаат полесни повреди, соопштија официјални лица и локални медиуми.
Несреќата се случила во регионот околу 132 километри јужно од Прага, а сите патници биле евакуирани.
Портпаролката на регионалната болница изјави дека пет лица се примени со сериозни повреди и се наоѓаат под медицински надзор.
Локалните спасувачки и противпожарни служби веднаш интервенирале на местото на несреќата.
Министерот за транспорт Мартин Купка истакна дека случајот е под истрага, а прелиминарните информации покажуваат дека еден од возовите можеби поминал покрај сигнал кој бил во позиција за запирање.
Истражителите продолжуваат да ја утврдуваат точната причина за судирот.