(ФОТО: ПРИНТСКРИН “THE OSBOURNES”) Почина Ози Озборн, пејачот ја загуби битката со тешката болест. Веста за неговата смрт ја потврди и неговото семејство кое за “The Sun“ кажа дека тој починал „опкружен со љубов“.
„Со поголема тага отколку што можат да пренесат само зборови, мораме да пријавиме дека нашиот сакан Ози Озборн почина утрово. Тој беше со своето семејство и опкружен со љубов. Ве молиме сите да ја почитувате приватноста на нашето семејство во овој момент. Шерон, Џек, Кели, Ејми и Луис.“
Веста за смртта на Озборн доаѓа повеќе од пет години откако тој ја објави дијагнозата на Паркинсонова болест во јануари 2020 година.
Ози Озборн почина само неколку недели откако повторно се обедини со своите колеги од бендот „Блек Сабат“ и одржа голем последен концерт за обожавателите.
„Немате поим како се чувствувам – ви благодарам од дното на моето срце“, им рече 76-годишникот на публиката додека настапуваше од својот трон на сцената во Вила Парк – концерт на кој учествуваа некои од неговите омилени изведувачи, вклучувајќи ги Металика и Ганс енд Роузис, за неговиот „последен поклон“.
Озборн беше пионер во хеви металот со бендот „Блек Сабат“ пред самиот да постигне огромен успех.
Тој беше познат по хитови како што се „Ајрон Мен“, „Параноид“, „Вор Пигс“, „Крејзи Треин“ и „Ченџс“, и со бенд и како соло ѕвезда.