Велигденското послание на Архиепископот г.г. Стефан во знак на трагедијата во Кочани

Поради трагедијата во Кочани, овогодишниот Велигден го доживуваме поразлично од досега, наведе Архиепископот г.г. Стефан во своето велигденско послание.

Пострадаа 60-тина наши чеда во страшниот пожар, а трагедијата не сплоти во тага и во молитви. Архиепископот Охридско Македонски посочи дека на големиот празник, на Христовото Воскресение, треба да се потсетиме на жртвите и на оние кои се жртвувале за да спасат повеќе луѓе.