Филмот „Анора“ беше победникот на 97-то издание на Оскарите, откако синоќа во Долби театарот „собра“ пет статуетки, за најдобар филм, режија, монтажа, сценарио и најдобра женска главна улога, која ја доби 25 годишната Мајки Медисон. „Анора“, филм кој ја прикажува бурната романса на истоимената хероина, млада стриптизерка од Бруклин со синот на руски олигарх е само петтиот филм во историјата кој успеал да освои Оскар и Златна палма.
Едриен Броди беше почестен со вториот Оскар во кариерата за главната улога во „Бруталист“, интересно со иста тематика, за холокустот како и неговата прва статуетка во 2002 година за филмот „Пијанист“. Овој пат толкуваше улога на Евреин архитект кој се обидува да изгради нов живот во САД по Холокаустот во Европа. „Бруталист“ освои уште два Оскари, за најдобра музика и кинематографија.
Оскарите за споредни улоги го однесоа Зои Солдана, за нејзината улога во „Злобница“ и Киран Калкин за филмот „Вистинска болка“. „Злобница“ доби уште два оскари, за костимографија и продукција.
Блокбастерот на „Дина“ на Денис Виланев собра две награди, за визуелни ефекти и тон.
Најдобар филм од неанглиско говорно подрачје беше прогласен бразилскиот „Сѐ уште сум овде“, додека „Конклава“ беше награден со најдобра адаптација. „Нема друга земја“ ја однесе победата меѓу документарните филмови.