Американската пејачка Тејлор Свифт испиша историја на гсиноќешните Греми награди, станувајќи првиот музичар кој по четврти пати ја освоил наградата за албум на годината. До синоќа Свифт го делеше тој рекордот заедно со Стиви Вондер, Френк Синатра и Пол Сајмон.
Наградата за албумот „Midnights“ Свифт ја доби од Селин Дион, која изненадувачки се појави во улога на презентер две години откако ѝ беше дијагностицирано ретко невролошко заболување поради кое прекина да настапува.
Свифт добиваше награди за албумите „Fearless“ во 2010, „1989“ во 2016 и „Folkore“ во 2021 година
Би сакала да ви кажам дека ова е најдобриот момент во мојот живот, но еднакво среќна се чувствувам и кога завршувам нова песна, правам проби и се спремам за концерт. За мене, наградата е работата. Сè што сакам е и понатаму да можам да го правам тоа што го сакам. Тоа ме прави многу среќна, изјави Свифт.
Наградата за песна на годината повторно „ѝ избега“ на Свифт, откако оваа година ја доби Били Ајлиш за саундтракот на филмот „Barbie“ „What was I made for“. Најдобра песна ја доби Мајли Сајрус за „Flowers“, додека Викторија Моне доби награда за најдобар нов артист.