На територијата на Град Скопје, од денеска до сабота, ќе се спроведува посебен режим на сообраќај поради официјална посета на делегација предводена од Абдулах бин Мухамед ал Шеик, претседател на Собранието на Кралството Саудиска Арабија.
Како што информираат од Министерството за внатрешни работи, со посебниот режим кој ќе го спроведе Единицата за безбедност на патниот сообраќај ќе бидат опфатени сообраќајниците на поширокото централно подрачје на главниот град.
Од МВР апелираат до сите граѓани учесници во сообраќајот да се почитуваат наредбите и насоките кои ќе ги даваат униформираните полициски службеници.