“Талир” за незаконско финансирањето на ВМРО – ДПМНЕ почна од почеток поради промена на судечкиот совет. Поротник си дал отказ, поради што е заменет со нов. Одбраната не дава согласност за формално изведување на доказите туку бара сите повторно сите да се изведуваат и сведоците да се сослушуваат. Меѓу материјалните докази има и 12 илјади уплатници за чие изведување претходно беа потрошени речиси 15 рочишта. Законот за кривична постапка предвидува судиите да бараат согласност од странките да се прочитаат веќе изведените докази
Член 371 ст (2) гласи Главната расправа која е одложена почнува одново ако се изменил составот на советот или судијата поединец. Со согласност на странките, советот може да одлучи определени сведоци и вештаци да не се сослушуваат повторно, туку да се прочитаат нивните искази внесени во записниците од поранешната главна расправа.
Поради измените на Кривичниот законик на ексминистерот Миле Јанакиески му застаре делото злоупотреба на службената положба и му се суди само за перење пари. Според обивнителсвото, за екс премиерот Никола Груевски и Кирил Божиновски “злоупотребата” застарува на крајот на 2025. Сите обвинети одговараат и за перење пари, дело кое застарува подоцна и не беше опфатено со измените на КЗ. Судењето за Талир почна во март 2020 година.
Предметот Талир 2 пак кој е поврзан со партиското седиште на ВМРО – ДПМНЕ е пред апелација. Во ноември се одржа јавна седница на која вишиот јавен обвинител предложи првостепената пресуда да биде укината и предметот да се врати на повторно одлучување, како и да се земат предвид измените на Кривичниот законик.