Прекинот на огнот во Газа ќе почне утре изутрина во 7 часот по локално време, соопшти катарското Министерство за надворешни работи кое посредуваше во преговорите меѓу Израел и Хамас. Првите заложници треба да се ослободат утре попладне во 16 часот. Штом почне примирјето во Појасот, се најавени и првите камиони со помош за Газа преку преминот Рафа.
Во првата фаза од паузата, Хамас треба да ослободи 50 заложници од Газа, а Израел ќе ослободи 150 палестински затвореници.
Израел утрово соопшти дека неговите воздушни напади погодиле 300 цели на Хамас во изминатиот ден, вклучувајќи тунели и локации за оружје. Во меѓувреме, порпаролот на министерството за здравство на Газа изјави дека медицинскиот конвој, бил насилно пресретнат од израелската војска и дека е притворен директорот на болницата Шифа.