Со изведба на наградуваната претстава „ Декамерон“ на театарот „ Војдан Чернодрински“ од Прилеп, вечерва во Младинскиот културен центар ќе започне 48 издание на Интернационалниот театарски фестивал „ Млад отворен театар“. До 18. ноември кога завршува, на програмата на МОТ има 21 претстава, од кои 6 домашни од независната сцена што ќе се борат за наградата „ Биш“. А, современиот прочит на класиката „ Декамерон“, која зборува за отпорот на луѓето кон појавата на чумата во 14 век во Фиренца, го вперува прстот во поединецот, како виновник и за пандемијата со корона вирусот, вели режисерот Мартин Кочовски.
- Целата идеја е дека тоа не се случило во тој век. Дека ќе се случува постојано. Дека ние сме доста виновни за тоа што ни се случува на нас. И како човештво и на планетата. И заради тоа , безвременоста на тие проблеми што ги имаме, сакав да ги прикажам со современи решенија, цитати, референци, вели режисерот Мартин Кочовски .