Со комична етида на тема проблеми со вештачката интелигенција, вечерва во Драмскиот театар започна 31 издание на „Скомрахи“- Меѓународните средби на студентите од академиите и факултетите за драмска и фимска уметности.
На отворањето беа прикажани краткиот филм „Тага“, во режија на Тина Величковиќ и дипломската претстава „Вилицата на Ибен Бајерс“, на режисерот Борис Василевски. „Скомрахи“ ќе траат до 5 ноември, а на програмата што ќе се одржува на Факултетот за драмски уметности, ќе бидат прикажани уште 7 претстави и 24 филмови од рекодни овој пат, 14 земји.
Ќе има и работилници, изложби , предавања и разговори, меѓу кои еден посветен на предизвиците на театарот и филмот во ова време на експанзивен развој на вештачката интелигенција.