Бракот на Бритни Спирс и Сем Ашгари траеше 14 месеци и двојката се разведе, објави магазинот „Пипл“. Бритни и Сем се запознаа во 2016 година за време на снимањето на песната „Slumber Party“ и се венчаа во јуни лани во присуство на 60 гости, меѓу кои Мадона, Дру Баримор, Селена Гомез и Парис Хилтон.
Гласиштата за проблеми во бракот на двојката почнаа да кружат во март оваа година. Луѓе блиски на Ашгари ги демантираа таквите наводи, иако и тој и Бритни се фотографираа на различно локации, сами и без венчални прстени.
Бритни Спирс зад себе има два брака. Со Џејсон Александар беше во брак само 55 часа во 2004 година, од 2004 до 2007 година беше во брак со танчерот Кевин Федерлајн со кого има и два сина – Шон и Џејден за кои старалелството му припадна на таткото.
Магазинот ТМЗ во јуни во 2022 година објави дека Бритни и Сем потпишале предбрачен договор кој подразбира дека Ашгари нема да добие ништо од парите пред бракот во случај на развод. Според „Форбс“, богатството на Бритни Спирс се проценува на 60 милиони долари додека на Ашгари на еден милион.
Засега нема коментар од двојката за пишувањата за развод.