Дали вработените во УЈП ќе стапат во генерален штрајк ќе се знае до крајот на неделава. Процесот на помирување е речиси завршен, заклучоците се изготвени и срочени во спогодба а за нив дале согласност и Синдикатот и раководството на УЈП и останува да се потпише нов Колективен договор според кој вработените ќе ги добијат бараните 30 отсто повисоки плати.
„Завршија активностите со помирувачот. Изготвени се препораки и заклучоци, изготвена е спогодба и од негова страна ни е побарано неколку дена да видиме што е со реализација и потоа ќе објавиме на прес се. Спогодбата содржи одредби врз основа на заклучоците, препораките дека треба да се потпише нов колективен договор, изјави Васе Недановски, претседател синдикат „Солидарност“
Помирувачкот побарал рок од неколку дена за да може да добие согласност за примена на Колективниот договор која треба да ја даде министерството за финансии.
„Помирувачот сака да го опфати делот со согласноста“, појасни Васе Недановски, претседател синдикат „Солидарност“.
Доколку финансии не даде согласност за примена на новиот колетивен договор за кој веќе се на иста линија и Синдикатот и УЈП, ќе следува генерален штрајк кој може да го парализира финансискиот систем во државата.
„Вработените во УЈП се со јасна определба, доколку го остварат правото, нема да има, доколку не се оствари правото, истиот ќе се одржи“, Васе Недановски, претседател синдикат „Солидарност“.
Во меѓувреме двочасовниот протест на вработените кој почна на 15ти минатиот месец продолжува.
Огнен Чанчаревиќ