Деклан Рајс го сруши трансфер рекордот помеѓу два премиерлигашки клубови откако денеска го комплетираше преминот од Вест Хем во Арсенал за 105 милиони фунти. Најскапиот трансфер во Премиерлигата е Енцо Фернандез од Бенфика во Челси од 106,8 милиони фунти направен минатиот јануари.
Претхдниот англиски рекорд го држеше Џек Грелиш, кој премина од Астон Вила во Манчестер сити за 100 милиони фунти.
Рајс целата своја кариера ја мина во редовите на Вест Хем, односно беше дел од клубот цели десет години. Лани како капитен на „чеканите“ го крена пехарот во Конференциската лига на УЕФА.
Тој е третото големо засилување за Арсенал ова лето по Каи Хаверц, кој дојде од Челси за 70 милиони евра и Јуриен Тимбер од Ајакс за 40 милиони евра.