Светската фудбалска федерација соопшти дека ќе исплати сума од 209 милиони долари на име на компензација за клубовите кои имаа свои играчи на последниот Мундијал во Катар.
На листата се 440 клуба од 51 земја, а според правилникот ФИФА исплаќа по 10.950 долари за секој ден минат на шампионатот за сите 837 фудбалери.
Најголем дел од сумата ќе ја добијат 46 клуба од Англија или тие ќе инкасираат 37,7 милиони долари, а потоа следуваат екипи од Шпанија, Германија, Италија и Франција.
Од клубовите поединечно најмногу ќе заработи Манчестер Сити или 4,59 милиони долари, а нешто помалку 4,53 ќе добие Барселона додека Баерн за своите фудбалери на Светското првенство ќе инкасира 4,33 милиони долари.
ФИФА соопшти дека сумата за Светскиот куп во Катар е поголема за две илјади долари по ден во однос на шампионатот во Русија, а за следните првенства во 2026 и 2030 година вкупната бројка драстично ќе се зголеми и клубовите ќе поделат 355 милиони долари.
ФОТО: Игор Паневски