Првиот голмански избор во Тотенхем, Иго Лорис летово најверојатно ќе си замине од Лондон, но се уште е неизвесно каде ќе ја продолжи кариерата.
За поранешниот репрезентативец на Франција, кој се повлече од националниот тим по завршувањето на Мундијалот во Катар интерес покажа Интер, но сега во конкуренција влегува и Пари Сен Жермен.
Триесет и шест годишниот голман неодамна најави дека би сакал да се врати во татковината и да го носи дресот на Ница, клуб од кој пред деценија и половина замина во Лион, а потоа се пресели во Тотенхем.
Интерес за Лорис неодамна покажаа и клубови од Саудиска Арабија, но се чини дека тој нема намера да направи трансфер на Блискиот исток и се поизвесно е дека кариерата ќе ја продолжи во Европа.
Договорот на Лорис завршува следното лето и јасно е дека првиот човек на Тотенхем, Дниел Леви ќе сака да го продаде капитенот како би можел барем нешто да заработи од трансферот со оглед на фактот дека следната година тој ќе има статус на слободен играч.
ФОТО: Игор Паневски