Минхенски Баерн по секоја цена сака да го ангажира англискиот репрезентативец Хари Кејн и до Тотенхем испрати нова понуда која изнесува 70 милиони фунти што е за 14 милиони повеќе во однос на првата.
Сепак претседателот на лондонскиот клуб Даниел Леви не отстапува од бараните 100 милиони и оваа втора подобрена понуда е одбиена. Претходно Тотенхем експресно ја одби сумата од 56 милиони, но зголемувањето сепак се оценува како порака дека Баварците сакаат да го доведат 29-годишниот напаѓач кој би бил огромно засилување за тимот предводен од Томас Тухел.
Кејн влегува во последната година од договорот со Тотенхем и постои голема веројатност тој следното лето да си замине како слободен играч, а веќе од први јануари 2024 година ќе може да преговара со заинтересираните клубови па и евентуално да потпише преддоговор.
Покрај Баерн за Кејн е заинтересиран и Пари Сен Жермен, а целата ситуација со неговиот трансфер будно ја следи и Манчестер Јунајтед.
ФОТО: Игор Паневски