Новите сопственици на Челзи очигледно дека се уште имаат проблеми да се прилагодат водењето на една врвна фудбалска екипа.
Откако во последните два преодни рока се потрошија 600 милиони евра за непланско купување на играчи по што на крајот беше освоено дури 11-тото место во Премиер лигата, а потоа следуваше вистински егзодус на играчи, сега челниците на Челзи се соочуваат со нов проблем, а тоа е обезбедување на генерален спонзор.
Откако Тод Боели ја отфрли понудата на компанијата за игри на среќа Stake и пропаѓањето на договорот со Парамаунт +, фудбалерите на промоцијата што ќе се одржи в понеделник на дресовите нема имаат ниту една реклама.
Боели цврсто веруваше дека ќе потпише богат договор со Парамаунт +, но следуваше реакција од Премиер лигата која го стопираше реализирањето бидејќи постоеше конфликт на интереси поради сопствениците на телевизиските права.
Сепак челниците на клубот веруваат дека до почетокот на сезоната ќе успеат да потпишат договор со една од неколкуте заинтересирани компании кои сакаат да го имаат статусот на генерални спонзори на Челзи, кој оваа година ќе настапува само во домашните натпреварувања.
ФОТО: Игор Паневски