Новата сезона во НБА лигата ќе го одбележи и новото натпреварување кое се воведува во текот на првиот дел од сезоната, а според најавите тоа треба да донесе поголеми возбудувања во овој период за кој се смета дека привлекува најмалку внимание кај навивачите.
Како најголем мотив за кошаркарите да се обидат да стигнат до триумф е наградата од 500.000 долари која ќе ја добие секој од играчите во победничката екипа.
Новото натпреварување ќе се игра во првите шест недели од сезоната, а во него ќе партиципираат сите екипи кои ќе бидат поделени во шест групи по пет без разлика од која дивизија, но од иста конференција.
Мечевите што ќе се играат во ова натпреварување ќе се важат и за скорот во основниот дел од сезоната со што се очекува мечевите да бидат далеку поинтересни и попривлечни за гледачите.
Секоја екипа во својата група ќе одигра барем по два натпревари со противниците и тоа дома и на гости.
Победниците од секоја група обезбедуваат директен пласман на завршниот турнир кој оваа година ќе се одигра од седми до деветти декември во Лас Вегас, а осумте учесници ќе се обезбедат откако на два тима ќе им се додели посебна покана за учество.
Поради воведувањето на ова натпреварување дојде и до одредени измени во распоредот, но секој од тимовите повторно ќе има 82 натпревари, а оние кои нема да се пласираат на завршниот турнир за да стигнат до бројката од 82 ќе одиграат дополнителни две средби.
Единствени кои во текот на основниот дел од сезоната ќе имаат 83 натпревари се финалистите на завршниот турнир.