Мејсон Маунт од денеска и официјално е нов фудбалер на Манчестер јунајтед. Тој се пресели на стадионот „Олд Трафорд“ од Челси во трансфер вреден 55 милиони фунти обештетување и дополнителни пет милиони во бонуси.
Потпиша петгодишен договор со можност истиот да биде продолжен на уште една сезона. Маунт се приклучи на академија на Челси кога имаше само шест години, а во професионалната кариера освен „синиот“ дрес играше и за Витезе и Дерби Каунти како позајмен фудбалер.
Одигра вкупно 195 натпревари за лондонскиот тим со 33 погодоци, а за Англија има одиграно 36 натпревари и пет постигнати голови.