Менди го официјализираше трансферот во Ал-Ахли

Едуард Менди е третиот фудбалер на Челси што летово заминува во Саудиска Арабија. Голманот денеска и официјално го комплетираше трансферот во Ал-Ахли. Премиерлигашот ќе инкасира 20 милиони евра обештетување, а Сенегалецот потпиша тригодишен договор вреден 10 милиони евра по сезона.

Претходно од „Стемфорд Бриџ“ во саудиската лига трансфери направија и Енголо Канте, кој потпиша за Ал-Итихад, а стоперот Калиду Кулибали се пресели во Ал-Хилал.

Наскоро се очекува уште еден фудбалер на Челси да се пресели во Саудиска Арабија, а тоа е Хаким Зијех. За потсетување, Челси летово го напушти и Матео Ковачиќ, кој потпиша за Манчестер сити, а пред трансфер во Милан е Рубен Лофтус Чик.