Сандро Тонали ќе биде новото скапо засилување за Њукалс, а тоа го потврди и агентот на фудбалерот. Милан ќе инкасира 70 милиони евра обештетување, плус бонуси, а ќе има и 10 отсто од следниот трансфер на фудбалерот од средниот ред.
Интересно е тоа што младиот италијански репрезентативец, кој моментално е на Европското првенство до 21 година не ја прифатил најдобро веста за трансферот. Наводно тој се расплакал кога дознал дека клубот сака да го продаде во Њукалс, бидејќи очекувал да игра до крајот на кариерата во омилениот клуб.
Тонали во Њукасл ќе заработи речиси четири пати поголема плата отколку во Милан, односно ќе ма 7 милиони евра годишно и плус бонуси.